Fiasta da Noviz 2022

La fiasta da noviz ha giu liug venderdis il dus da settember naven dallas 19:00 si Plaun Pigniel. Las plievgias ed ils cametgs han buca reteniu ils commembers da prender part alla fiasta, aschia che nus dumbravan rodund 30 dels. Il noviz Florian Jakob ei deplorablamein staus malsanus, aschia che las suandontas novizas ed ils suandonts noviz ein stai presents.

Noelia Carigiet
Franco Casutt
Nadja Eichenberger

Donata Ernst*
Salome Gfeller
Damian Hunger

Louis Knöri
Cedric Schöpf*
Damian Tschuor

*commembras e commembers che han muncantau la fiasta da novizas e noviz onn vargau

Dapli treis onns elegia l’uniun la noviza ni il noviz digl onn. Uonn eran ils giuvens sut grond squetsch, damai ch’il tetel “Noviz/-a digl onn” ei tochen dacheu adina ius ad ina giuvna. Las giubilaras eran Joelle Jäger (2021), Anna Cavelti (2020) e Lea Gfeller (2019). La vicepresidenta Sina Cavelti, responsabla per la fiasta da novizas e noviz, ha preparau differents giugs, denter auter ina stafetta, in giug da ballons, beerpong, ina pantomima ed in cumbat da saltar. Ils giugs eran organisai aschia ch’ils noviz e las novizas han stuiu cumbatter in encunter l’auter ed ultimamein rimnar aschi bia puncts sco pusseivel. La finfinala ha Franco Casutt gudignau per pauc avon Louis Knöri e Damian Hunger, e porta aschia il tetel “Noviz digl onn” tochen tier la proxima elecziun. Il buccal ambulont, emplenius cun ina buna bubronda, ei vegnius surdaus al victur dalla vicepresidenta ed il president dall’ uniun da giuventetgna.

Silsuenter ei l’uniun aunc sesida ensemen per dar giugs e tschintschar legher, tochen che Gion, Maria, e Tumasch han era plaunsiu giu avunda ed ein s’allontenai entuorn las 3:00 encunter casa.


20220902_Fiastadanoviz_036
20220902_Fiastadanoviz_028
20220902_Fiastadanoviz_026
20220902_Fiastadanoviz_034
20220902_Fiastadanoviz_013
20220902_Fiastadanoviz_023
20220902_Fiastadanoviz_030
20220902_Fiastadanoviz_039
20220902_Fiastadanoviz_037
20220902_Fiastadanoviz_040
20220902_Fiastadanoviz_042