Sun da casa en Surselva
si els cuolms dil bi Grischun
sin las alps e sut la selva
sper il Rein el bi Sagogn.

En curtgin stat mia casa
ed entuorn ein mes vischins
bia ventira cheu serasa
enconuschel finadin.

Sempels vi jeu star adina
miu Sagogn vi carezar
en la Fopp’ ei mia tgina
quella sai mai emblidar.

A mi ha ina praula il vent oz raquintau:
ei mava ina gada pil mund entuorn in bau,
ei mava ina gada pil mund entuorn in bau.

Purtava losch la corna: jeu sun in grond signur.
e miu manti tarlischa, con paupers ei il pur,
e miu manti tarlischa, con paupers ei il pur.

Ed el sestenda, mira, co’l bov sto trer il criec:
co sun jeu libers, libers, mo trai ti pauper tschiec,
co sun jeu libers, libers, mo trai ti pauper tschiec.

El stat sin ina comba e saulta spert sul prau.
cheu vegn ruclond la roda e smacc’ il pauper bau,
cheu vegn ruclond la roda e smacc’ il pauper bau.