Era uonn ha l’Uniun da giuventetgna Sagogn organisau in solver d’emprem d’uost. Cun grond plascher havein nus astgau beneventar rodund 50 persunas da bellezia aura si Plaun Pigniel. Ils hosps han schau gustar las differentas sorts caschiel, las plattas da carn cun schambun, puolpa, andutgels e carnpiertg, sco era ils jogurts ed ovs da tschun minutas, aschia che negin ha stuiu ir a casa cun fom.